سادىرى كوچا ئۇرۇشىنى توختىتىشنى تەلەپ قىلدى

2008-03-30
ئېلخەت
پىكىر
Share
پرىنت

نۆۋەتتە، ئىراقنىڭ باغداد، باسرا ۋە باشقا شىئەلەر كۆپ جايلاشقان جايلاردا ئۆزلىرىنى مەھدى ئارمىيىسى دەپ ئاتىغان شىئە قوراللىق پىدائىيلىرىنىڭ ئامېرىكا ۋە ئىراق قوشۇنلىرىغا قارشى كوچا ئۇرۇشلىرى داۋاملىشىۋاتماقتا ئىدى.

يەكشەنبە كۈنى شىئە رادىكال گۇرۇپپىلىرىنىڭ رەھبىرى سادىرى ئۆز ئەسكەرلىرىگە كوچا ئۇرۇشىنى توختىتىشقا ھەمدە چېكىنىشكە بۇيرۇق بەرگەن.

ئامېرىكا ئاۋازىنىڭ بۇ ھەقتىكى خەۋىرىگە قارىغاندا، شىئە قوراللىق گۇرۇپپىلىرى باسرا ۋە باشقا جايلاردىن چېكىنگەن، سادىرى ئۆزىنىڭ بۇ ھەرىكىتىنى پەقەت ئىراقلىقلارنىڭ قېنىنىڭ تۆكۈلۈشنىڭ ئالدىنى ئېلىش ئۈچۈنلا قىلغانلىقىنى ئەسكەرتىش بىلەن بىرگە يەنە ئىراق ھۆكۈمىتىدىن تۇتقۇن قىلىشنى توختىتىش ھەم قولغا ئېلىنغانلارنى قويۇپ بېرىشنى تەلەپ قىلغان.

مەھدى پىدائىيلىرى بىلەن ئىراق ۋە بىرلەشمە ئارمىيە ئارىسىدىكى 6 كۈنلۈك ئۇرۇش جەريانىدا 250 دىن ئارتۇق ئادەم ھاياتىدىن ئايرىلغان ئىكەن. (ئۈمىدۋار)

پىكىرلەر (0)
Share
تولۇق بەت