Italiye hökümiti olimpik jeryanida xitaygha qarshi siyasiy meydanini ipadiligen tenheriketchilirini tebriklidi

Italiyidiki siyasetchiler we bir türküm hökümet emeldarliri yekshenbe küni, béyjing olimpiki jeryanida xitayning tibet siyasiti we insan heqliri weziyitige qarshi siyasiy meydanini ipadiligen italiyilik tenheriketchilirini tebriklidi.
Muxbirimiz shöhret hoshur xewiri
2008-08-25
Élxet
Pikir
Share
Print

 Tenheriketchi margarita granbassi, özi olimpik jeryanida qollan'ghan maskini tibet diniy dahiysi dalay lamagha sowgha qilghan we " béyjingda méni paskinichiliqtin qoghdighan bu maska, tibet xelqinimu qoghdighay " dep simwolluq hésdashliq ipadiligen. Kümüsh médal sahibi, bokschi klemente russo médalini " xitayda zulum chékiwatqan barliq kishilerge" teqdim qilghanliqini bildürgen. Yene kümüsh médal sahibi tenheriketchi kayaker josefa axirqi hel qilghuch musabiqide kiygen tenheriket kiyimini dalay lamagha teqdim qilghan. Italiyilik tenheriketchiler bu xil siyasiy meydanini olimpik yépilish murasimi we uning aldi - keynide namayen qilghan.

Italiye dölet mudapi'e ministiri ignazi'o la russa yekshenbe küni korri'ere gézitide bu heqte pikir bayan qilip tenheriketchilirining mezkur heriketliridin nahayiti memnun bolghanliqini bildürgen we mundaq dégen: " tenheriketchilirimiz bir tenheriketchilik wezipisinimu ada qildi, insaniy wezipisinimu ada qildi."

Yashlar ministiri ge'orgi'a méloni tenheriketchilirini xitaydiki nazuk mesililerge ustiliq bilen inkas qayturdi, dep medhiyiligen we her tereplime mes'uliyitini ada qildi dep alqishlighan.
Toluq bet