Канада вә хитай йиллиқ кишилик сөһбитиниң даирисини кеңәйтишкә келишти

2005-01-20
Елхәт
Пикир
Share
Принт

Канада баш министири павл мартин вә хитай баш министири вин җиябав пәйшәнбә күни икки дөләт оттурисида кишилик һоқуқ мәслисидә елип берилидиған сөһбәтниң даирисини техиму кеңәйтиш тоғрисида келишти.

Америка бирләшмә агентлиқиниң хәвәр қилишичә, хитайда зиярәттә боливатқан канада баш министири павл мартин пәйшәнбә күни хитай баш министири вен җябав билән икки дөләт оттурисида енергийә тоғрисида һәмкарлиқ келишими имзалаш мурасимиға қатнашти.

Канада баш министириниң хитай зиярити келишмәсликләр билән башланған. Өткән һәптә хитай һөкүмити тосаттин канада баш минситириниң хитай зияритидә униңға һәмра болмақчи болған канада пуқраси икки хитай мухбирға бәргән визисни бикар қилди. Хитай һөкүмити уларни фалуңгоң тәриқити әзаси дәп әйиблигән.

Канада баш министири мартин хитайни зиярәт қилиштин бурун ,хитай һөкүмитиниң икки канадалиқ мухбирниң визисини бикар қилғанлиқиға наразилиқ билдүрүп, хитай һөкүмитини бу мәсилә һәққидә чүшәндүрүш беришкә чақирған иди .

Канададики кишилик һоқуқ тәшкилатлири, баш министир мартинниң хитай зияритиниң һарписида, кишилик һоқуқниң хитайдики вәзийити тоғрисида арқа-арқидин баянат елан қилип, канада баш минситиридин хитай рәһбәрлири билән елип баридиған сөһбәтлири җәрянида кишлик һоқуқ мәсилисини чоқум оттуриға қойишини тәләп қилған.

Канададики ички бесимлар түпәйли болса керәк, канада вә хитай һөкүмити тәрипидин елан қилинған бирләшмә баянатида, икки тәрәпниң кишилик һоқуқ мәсилиси тоғрисида техиму көп һәмкарлишиш һәққидә келишкәнлики тәкитләнгән. (Қанат)

Пикирләр (0)
Share
Толуқ бәт