Rusiye qisimliri eger natogha eza döletlerdin chiqip ketmise, nato emdi burunqi kélishimning cheklimisige uchrimaydu

2007-11-21
Élxet
Pikir
Share
Print

Shimali atlantik okyan ehdi teshkilati (nato)ning chéx, polshalarda bashqurulidighan bombidin mudapi'elinish séstimisi orunlashturghanliqigha qarita rusiye jiddiy inkas qayturdi.

B b s ning bügün bayan qilishiche, rusiye prézidénti wiladimér putin 'natoning chégrida esker toplishigha qarita emdi rusiye qarap turmaydu' dédi. U sözide yene natoni 'burun tüzgen kélishimlerge emel qilmidi' dep eyiblidi.

Xewerde bayan qilinishiche, nato bolsa buninggha qarita, bashqurulidighan bombidin mudapi'elinish séstimisining nishani rusiyige qaritilmighan, belki bezi lükchek döletlerning ushtumtut hujumidin saqlinishni meqset qilidu, dep qayta jakarlighandin bashqa yene, sabiq 'warshawa shertnamisi'diki döletlerning bir qismi natogha eza bolup kirdi.

Buning bilen 1990 ‏- yili nato bilen warshawa shertnamisi teshkilati otturisida tüzülgen 'yawropadiki muntizim qoralliq küchler kélishimi' ning mezmuni özgerdi. Emdi rusiye qisimliri eger natogha eza döletlerdin chiqip ketmise, nato burunqi kélishimning cheklimisige uchrimaydu, dep jakarlidi. (Weli)

Pikirler (0)
Share
Toluq bet