Xitayda néfit mehsulatliri bilen teminlesh jiddiyliship hetta adem ölüsh weqesi chiqti

2007-10-31
Élxet
Pikir
Share
Print

Xitayda ikki yildin buyan néfit krizisi éghirlishiwatqan idi. Roytrs agéntliqining 10 ‏- ayning 31 -‏-küni shangxeydin xewer qilishiche, xitay yéqinqi yillardin buyan gerche chet'ellerdin barghanséri köplep néfit import qiliwatsimu, xitayda yenila néfit mehsulatliri bilen teminlesh jehettiki jiddiylik mewjut.

Bundaq jiddiylik hazir xitayning déngiz boyliridiki jéjyang, gu'angdung, fujen qatarliq ölkiliridin merkizi rayonlarghiche kéngeydi. Tehlil qilinishiche, pul paxalliqi we néfit mehsulatliri bahasining téz örlishi bu xil jiddiylikni éghirlashturmaqta. Hazir xitay bazirida dézil kamliqi eng jiddiy mesile. Bu hazir xitayda qatnash- transportqa éghir tesir yetküzmekte.

Emma 'shinxu'a tori'ning bayan qilishiche, yéqinqi bir mezgil ichidila, dunyada néfit bahasi bir barrél xam néfit 60 amérika dolliridin 70 amérika dollirigha, uningdin kéyin yene 94 amérika dollirigha örligen. Yéqinda yene 100 amérika dollirigha yétish éhtimali bar. Bu xitaydiki néfit mehsulatliri bazirida baha örlep kétishke seweb bolmaqta.

Amérika awazining bayan qilishiche, xénende aptomobillargha yéqilghu qachilash üchün nöwet kütüp turghan kishiler ichide jédel chiqip, hetta adem ölüsh weqesi yüz bergen. Hazir xitay néfit shirketliri kündin -kün'ge éghirlishiwatqan bundaq néfit mehsulatliri jiddiylikini peseytish üchün, 11 ‏- aydin bashlap téximu köp néfit import qilishni oylimaqta. (Weli)

Pikirler (0)
Share
Toluq bet