Nobél mukapati sahipliri xitay prézidénti xu jintawgha xet yazdi

2008-02-12
Élxet
Pikir
Share
Print

12 - Féwral, seyshenbe küni, nechchiligen nobél mukapati sahipliri xitay prézidénti xu jintawgha xet yézip, béyjing hökümitini olimpik ghayisige boysunup darfur mesiliside sudan hökümitige bésim ishlitishke qistidi. Royétirs agéntliqining körsitishiche,, mezkur xette xitayning sudan hökümitining eng asasliq iqtisadi, herbi we siyasi shiriki bolush hemde birleshken döletler teshkilati bixeterlik kéngishining da'imiy ezasi bolush supiti bilen darfurda adalet we tinchliqni yolgha qoyushqa pursiti we mejburiyitining barliqi otturigha qoyulghan.

Mezkur xetke nobél tinchliq mukapati sahibi bishop karlos, shirin ébadi, adolf perez, éli wi'ésél qatarliqlar we bir qisim gherb siyasiyonliri we sabiq olimpik tenheriketchiliri we amérika kino cholpini miya farrow qatarliqlar birlikte imza qoyup xitay prézidénti xu jintawgha yollighan.

Béyjing da'iriliri darfur rayonida qirghinchiliq élip bériwatqan sudan hökümitini siyasi jehettin qollap herbiy jehettin yardem bérip kéliwatqan bolghachqa amérika kino cholpini miya farrow xitay hökümitining sudan hökümitini qollash meydanini özgertish üchün nurghun pa'aliyet élip barghan we aldinqi yili öktebirde, xitayda ötküzilidighan olimpikini "qirghinchiliq olimpiki" dep atap xitay hökümitini sudan'gha yardem bérishni derhal toxtitishqa chaqirghan idi. (Jüme)

Pikirler (0)
Share
Toluq bet