Олимпик мәшили тибәтләрниң қаршилиқи ичидә хитайға тапшурулди

2008-03-30
Елхәт
Пикир
Share
Принт

30 - Март күни 2008 - йиллиқ бейҗиң олимпик тәнһәрикәт йиғининиң олимпик мәш или гретсийиниң пайтәхти афина шәһиридә хитай олимпик комитетиға тапшуруп берилди. Бирақ, афина тәнһәрикәт мәйданиниң сиртида бир топ тибәтликләр шоар товлап, мәшәлниң тапшурулишиға тосқунлуқ қилмақчи болғанда сақчилар тәрипидин тутулған.

Америка бирләшмә агентлиқи бу тибәтләрниң 10 артуқ адәм икәнликини хәвәр қилған болуп, тибәт пидакарлири "тибәтни қутулдуривалайли," "тибәттики қирғинчилиқни тохтитайли" дәп шоар товлашқан.

Олимпик мәшилини тапшуруш мурасими ахирлашқандин кейин, хитай бу мәшәлни мәхсус айропилан билән елип кәткән һәмдә 31 - март күни бейҗиңда олимпик мәшилини күтүвелиш мурасими өткүзүлидикән.

Б б с агентлиқиниң хәвәр қилишичә, мәшәл афинаға йетип кәлгәндә, гретсийә һөкүмити 1000 дин артуқ сақчи чиқирип, уни қаттиқ қоғдаш чарилирини қолланған болсиму, бәрибир тибәтләр вә уларниң қоллиғучилириниң наразилиқ һәрикәтлиригә дуч кәлгән. (Үмидвар)

Пикирләр (0)
Share
Толуқ бәт