Olimpik mesh'ili tibetlerning qarshiliqi ichide xitaygha tapshuruldi

2008-03-30
Élxet
Pikir
Share
Print

30 - Mart küni 2008 - yilliq béyjing olimpik tenheriket yighinining olimpik mesh ili grétsiyining paytexti afina shehiride xitay olimpik komitétigha tapshurup bérildi. Biraq, afina tenheriket meydanining sirtida bir top tibetlikler sho'ar towlap, mesh'elning tapshurulishigha tosqunluq qilmaqchi bolghanda saqchilar teripidin tutulghan.

Amérika birleshme agéntliqi bu tibetlerning 10 artuq adem ikenlikini xewer qilghan bolup, tibet pidakarliri "tibetni qutulduriwalayli," "tibettiki qirghinchiliqni toxtitayli" dep sho'ar towlashqan.

Olimpik mesh'ilini tapshurush murasimi axirlashqandin kéyin, xitay bu mesh'elni mexsus ayropilan bilen élip ketken hemde 31 - mart küni béyjingda olimpik mesh'ilini kütüwélish murasimi ötküzülidiken.

B b s agéntliqining xewer qilishiche, mesh'el afinagha yétip kelgende, grétsiye hökümiti 1000 din artuq saqchi chiqirip, uni qattiq qoghdash charilirini qollan'ghan bolsimu, beribir tibetler we ularning qollighuchilirining naraziliq heriketlirige duch kelgen. (Ümidwar)

Pikirler (0)
Share
Toluq bet