Xelq'ara saqchi orgini 2008 ‏- yil olimpikining térrorluq hujum nishani bolush éhtimalliqi barliqini körsetti

2008-03-05
Élxet
Pikir
Share
Print

Xelq'ara saqchi orginining re'isi ronald nobél, xitay hökümitining awghust éyida ichilidighan béyjing olimpik tenheriket yighini üchün, nahayiti yuqiri ölchemlerde bixeterlik tedbirliri alghanliqini, lékin yenila, olimpik tenheriket yighinning térrorluq hujumning nishani bolush éhtimalliqi barliqini bildürdi.

Ronald nobél seyshenbe küni xongkongda muxbirlargha bergen bayanatida, xelq'ara saqchi orgini béyjing olimpik tenheriket yighini üchün élin'ghan bixeterlik tedbirlerdin razi. Lékin xitay we rayondiki dölet bixeterlik da'iriliri, olimpik tenherikiti jeryanida térror tehditining aldini élish üchün, nahayiti hoshyar bolushi kérek" dégen.

Olimpik jeryanida térrorluq hujumi élip bérilish éhtimalliqi heqqide éniq bir uchur yoqluqini tekitligen xelq'ara saqchi orginining re'isi ronald nobél, lékin éhtiyatchanliq, kishini bundaq bir ish yüz béridighandek teyyar turushqa mejburlaydu, dep körsetti.

Roytris agéntliqining xewer qilishiche, xelq'ara saqchi orgini, béyjing olimpikini elqa'ide we bashqa térror teshkilatlirining asasliq hujum nishani bolalaydu dep körsetken.

Xitay hökümiti hazirghiche, qaysi teshkilat we yaki guruppilarning béyjing olimpik tenheriket yighinini özining hujum nishani qilishi mumkinliki heqqide ochuq ‏- ashkara ipade bildürmigen. Lékin ötken ay xitayning aliy derijilik bir xadimi Uyghur pa'aliyetchilirini béyjing olimpik tenheriket yighini üchün tehdit dep körsetti. (Ömer qanat)

Pikirler (0)
Share
Toluq bet