Оттура шәрқ тинчлиқ сөһбити башланди

2007-11-27
Елхәт
Пикир
Share
Принт

Хәлқара оттура шәрқ тинчлиқ сөһбити, 50 тин артуқ тәшкилат һәмдә дөләт вәкиллириниң иштирак қилиши билән сәйшәнбә күни, америка мәриләнд шитати әннаполис шәһиридә рәсмий башланди.

Америка президенти җорҗ буш дүшәнбә күни кәч йиғинниң башлиниш мурасимида қисқичә нотуқ сөзләп сөһбәт қатнашқучилириға еһтирам билдүрди вә "сөһбәт вәкиллириниң бир йәргә келишидики ортақ нишани исраилийә билән пәләстин кризисиниң тинч йол билән һәл болуши, уларниң демократик дөләтләр қатарида ортақ мәвҗут болуп туруши үчүн, әмма буни әмәлгә ашуруш зор, йол қоюшни һәм көп тиришчанлиқ көрситишни тәләп қилиду " дегән.

Бу сөһбәт исраилийә тәрәпниң он йилдин буян 16 әрәб дөләтлири һәм әрәб бирләшмилири вәкиллири билән тунҗи қетим учришидиғанлиқидин дерәк бериду. Исраилийини етирап қилмайдиған сәуди әрәбистан һәмдә сүрийиму сөһбәткә қатнишиду.

Америка авази радиосиниң хәвиридә көрситишичә, тәрәпләр мәзкүр сөһбәт нәтиҗисидин зор үмидләр күтмәктә. (Гүлчеһрә)

Пикирләр (0)
Share
Толуқ бәт