Канада пат йеқинда ләй чаңшиңни хитайға өткүзүп бериду

2006-05-19
Елхәт
Пикир
Share
Принт

Канада мәтбуатлириниң хәвәрқилишичә, хитай компартийисиниң һакимийәт тарихидики әң чоң әткәсчилик вә хиянәтчилик вәқәси, дәп аталған йүәнхуа дилосиниң баш җавабкари ләй чаңшиң пат йеқинда канада һөкүмити тәрипидин хитайға өткүзүп берилиши мүмкин.

Канада ахбарат агентлиқи җүмә күнки хәвиридә канада даирилириниң ләй чаңшиңни җуңгоға елип маңидиған айрупилан белити елип қойғанлиқини вә киләр җүмә күни хитайға қарап учидиғанлиқини хәвәр қилди. Буниң алдида канада сот мәһкимиси ләй чаңшиңға сиясий панаһлиқ беришни рәт қилған вә ләй чаңшиң хитайға қайтип барса баҗ оғрилаш, әткәсчилик қилиш вә пара бериш җинайәтлири билән әйиблинидиғанлиқини, лекин һаятиға хәвп йәтмәйдиғанлиқини қарар қилған.

Хәвәрләргә қариғанда ләй чаңшиң хитайға қайтурулидиғанлиқини уққандин кейин өзини өлтүрүвелишқа урунған болсиму, лекин мәқсидигә йетәлмигән. Көзәткүчиләрниң әскәртишичә, гәрчә хитай һөкүмити униңға өлүм җазаси бәрмәйдиғанлиқини җакарлиған болсиму, лекин униң хитайға өткүзүп берилгәндин кейин башқилар тәрипидин өлтүрүлүш мумкинчилики бар. Чүнки ләй чаңшиң вә йүәнхуа дилоси билән мәркәздики җаң земин тәрәпдари юқири дәриҗилик әмәлдарларниң четишлиқи бар, дәп қаралмақта.

Ләй чаңшиң йүәнхуа дилосидики һәл қилғуч шәхс. Көзәткүчиләрниң әскәртишичә, җаң земин гуруһи ху җи?тав - вен җябав гуруһиниң мәркизи һөкүмәттики җаң земин тәрәпдарлирини тазиливетишигә пурсәт яритип бәрмәслик үчүн ләй чаңшиңни җайливетишкә урунуши мумкин. (Әркин)

Пикирләр (0)
Share
Толуқ бәт