Kanada pat yéqinda ley changshingni xitaygha ötküzüp béridu

2006-05-19
Élxet
Pikir
Share
Print

Kanada metbu'atlirining xewerqilishiche, xitay kompartiyisining hakimiyet tarixidiki eng chong etkeschilik we xiyanetchilik weqesi, dep atalghan yüenxu'a dilosining bash jawabkari ley changshing pat yéqinda kanada hökümiti teripidin xitaygha ötküzüp bérilishi mümkin.

Kanada axbarat agéntliqi jüme künki xewiride kanada da'irilirining ley changshingni junggogha élip mangidighan ayrupilan béliti élip qoyghanliqini we kiler jüme küni xitaygha qarap uchidighanliqini xewer qildi. Buning aldida kanada sot mehkimisi ley changshinggha siyasiy panahliq bérishni ret qilghan we ley changshing xitaygha qaytip barsa baj oghrilash, etkeschilik qilish we para bérish jinayetliri bilen eyiblinidighanliqini, lékin hayatigha xewp yetmeydighanliqini qarar qilghan.

Xewerlerge qarighanda ley changshing xitaygha qayturulidighanliqini uqqandin kéyin özini öltürüwélishqa urun'ghan bolsimu, lékin meqsidige yételmigen. Közetküchilerning eskertishiche, gerche xitay hökümiti uninggha ölüm jazasi bermeydighanliqini jakarlighan bolsimu, lékin uning xitaygha ötküzüp bérilgendin kéyin bashqilar teripidin öltürülüsh m'umkinchiliki bar. Chünki ley changshing we yüenxu'a dilosi bilen merkezdiki jang zémin terepdari yuqiri derijilik emeldarlarning chétishliqi bar, dep qaralmaqta.

Ley changshing yüenxu'a dilosidiki hel qilghuch shexs. Közetküchilerning eskertishiche, jang zémin guruhi xu ji?taw - wén jyabaw guruhining merkizi hökümettiki jang zémin terepdarlirini taziliwétishige purset yaritip bermeslik üchün ley changshingni jayliwétishke urunushi mumkin. (Erkin)

Pikirler (0)
Share
Toluq bet