Хитай қисқуч пақиси әнглийә дәрялириға тәһдит болмақта

2006-02-08
Елхәт
Пикир
Share
Принт

Хитайда болидиған бир хил қисқуч пақа әнглийиниң дәря еқинлириға зор түркүмдә тарилип, бу дәрялардики қоғдилидиған йәрлик су җаниварлириға чоң тәһдит болмақта.

Әнглийидики нюкасил университетиниң чиқарған бир тәтқиқат доклатиға қариғанда, хитайда болидиған бу хил қисқуч пақилар әнглийә деңизидики қоғдилидиған җаниварларни озуқлуқ қиливалған. Мәзкур доклатта, әгәр бу қисқуч пақиларниң сани дәрһал контрол қилинмиса, буниң еғир муһит мәсилисини кәлтүрүп чиқиридиғанлиқи көрситилгән.

Бу хил қисқуч пақилар дәсләп 1970‏- йиллири деңиз йоли арқилиқ хитайдин явропа вә әнглийә территорийисигә киргән болуп, булар асаслиқи йүк парахотлири билән бу йәрләргә келип қалған һәмдә кейин тез көпийишчанлиқи билән бу районларниң дәря-еқинлириға кәң таралған.

Тәтқиқат доклатиға қариғанда, бу хил қисқуч пақилар дәря яқилирида төшүк колап шу йәрдә яшашни яхши көридиған болғачқа, бу әһвал дәря қирғақлириниң муһитиға еғир зиян салған. Хитайлар "юңлуқ қисқуч пақа" дәп атайдиған бу хил қисқуч пақилар һазир әнглийидики таймис дәряси, хамбур дәряси вә тайин дәряси қатарлиқ чоң дәряларғичә таралған. (Пәридә)

Пикирләр (0)
Share
Толуқ бәт