Путин русийидики әң бай адәмму?

2007-12-23
Елхәт
Пикир
Share
Принт

Русийидә йеңи байлар қошуни көпәймәктә, буларниң бәзилири русийә сиясәт саһәсигә арилашқан шәхсләр болса, йәнә бәзилири сиясәттин сиртта болсиму, лекин дөләтниң ички вә ташқи сияситигә бәлгилик дәриҗидә тәсир көрситәләйду. Ундақта, бу байлар ичидә президент путинму барму?

Әнглийиниң "гуардиян" намлиқ нәширәпкари, йеқинда бир парчә учур елан қилип, путинниң русийидики әң бай адәмләрниң бири икәнликини паш қилди. Хәвәрдә көрситилишичә, путин президент болған сәккиз йил ичидә 40 милярд долларлиқ байлиқ топлиған. У русийиниң "сургутнәфитгаз" ширкитиниң %37,"газпром" ширкитиниң %4.5 Аксийисини контрол қилған һәмдә "гунвор" компанийиси биләнму шерикләшкән.

Бу мәлуматни русийә сиясәтчиси беривский " гуардиян" да ашкарилиған болуп, униң ейтишичә, путиниң байлиқи аз дегәндә 40 милярд доллар әтрапида болуп, униң йәнә қандақ содилири барлиқи намәлум. Бирақ, путинниң нами байлар тизимликидә ашкара йезилмайдикән.

Бервскийниң қаришичә, ғәрб дөләтлири путиниң "йеңи совит" сиясий қияпитиниң алдишиға учриди, әмәлийәттә болса, путин типик "содигәр"дур. У пул арқилиқ алвастиларниму қийниғили болидиғанлиқини чүшиниду.

Бирақ, 21- декабир күни "гунвор" ширкити баянат елан қилип, путинниң бу ширкәтниң пайда шерики икәнликигә аит учурни инкар қилди. Мәзкур ширкәт "гуардиян"ға хәт әвәтип, мәзкур ширкәтниң кремил сарийи билән йеқин мунасивәткә игә икәнлики, путинниң бу ширкәтниң пайдисиға шерик икәнликидин ибарәт учурларниң хата мәлумат икәнликини билдүргән. (Үмидвар)

Пикирләр (0)
Share
Толуқ бәт