Putin rusiyidiki eng bay ademmu?

2007-12-23
Élxet
Pikir
Share
Print

Rusiyide yéngi baylar qoshuni köpeymekte, bularning beziliri rusiye siyaset sahesige arilashqan shexsler bolsa, yene beziliri siyasettin sirtta bolsimu, lékin döletning ichki we tashqi siyasitige belgilik derijide tesir körsiteleydu. Undaqta, bu baylar ichide prézidént putinmu barmu?

En'gliyining "gu'ardiyan" namliq neshirepkari, yéqinda bir parche uchur élan qilip, putinning rusiyidiki eng bay ademlerning biri ikenlikini pash qildi. Xewerde körsitilishiche, putin prézidént bolghan sekkiz yil ichide 40 milyard dollarliq bayliq toplighan. U rusiyining "surgutnefitgaz" shirkitining %37,"gazprom" shirkitining %4.5 Aksiyisini kontrol qilghan hemde "gunwor" kompaniyisi bilenmu shérikleshken.

Bu melumatni rusiye siyasetchisi bériwskiy " gu'ardiyan" da ashkarilighan bolup, uning éytishiche, putining bayliqi az dégende 40 milyard dollar etrapida bolup, uning yene qandaq sodiliri barliqi namelum. Biraq, putinning nami baylar tizimlikide ashkara yézilmaydiken.

Bérwskiyning qarishiche, gherb döletliri putining "yéngi sowit" siyasiy qiyapitining aldishigha uchridi, emeliyette bolsa, putin tipik "sodiger"dur. U pul arqiliq alwastilarnimu qiynighili bolidighanliqini chüshinidu.

Biraq, 21- dékabir küni "gunwor" shirkiti bayanat élan qilip, putinning bu shirketning payda shériki ikenlikige a'it uchurni inkar qildi. Mezkur shirket "gu'ardiyan"gha xet ewetip, mezkur shirketning krémil sariyi bilen yéqin munasiwetke ige ikenliki, putinning bu shirketning paydisigha shérik ikenlikidin ibaret uchurlarning xata melumat ikenlikini bildürgen. (Ümidwar)

Pikirler (0)
Share
Toluq bet