Amérika xitayning 4 chong sana'et shirkitining amérikidiki meblighini tonglatti

2006-06-15
Élxet
Pikir
Share
Print

Teywende chiqidighan merkizi agéntliqi 15 ‏- iyun küni xitay tashqi ishlar ministirliqining bayanatchisi jang yüning sözini neqil keltürüp": keng kölemlik yoqitish xaraktérlik yadro qorallirini kéngeytish xelq'ara bilen rayonning ténchliqi we bixeterliki üchün paydisiz bolupla qalmay, xitayning menpe'etigimu uyghun emes , shunga junggo hökümiti yoqitish xaraktérlik yadro qorallirini kéngeytishke qet'iy qarshi turush bilen birge herqandaq shirket we shexsning bu xil qorallarni kéngeytish pa'aliyetlirige qatnishishini chekleydu " dédi.

Amérika hökümiti 13 ‏- iyun küni, xitayning LIMMT soda shirkiti we CHANGCHENG sana'et shirkiti qatarliq 4 shirketning amérikidiki meblighini tonglatti we bu shirketlerni "iranning yadro qorallirini tereqqi qildurush üchün hemkarlashqan" dep eyiblidi.

Xitay terepning qarishiche, amérikining junggoning bu töt chong sana'et shirkiti üstidin chiqarghan qarari toghra emes we qanun'gha uyghun emes iken hemde ikki terepning yadro qorallirini kéngeytish mesiliside berpa qilghan hemkarliqigha we xitay ‏- amérika munasiwitining tereqqiyatighimu ziyan keltürüidiken.

Amérika da'irilirining bildürüshiche, LIMMIT qatarliq xitayning bu 4 shirkiti, iran herbiy qisimliri we yadro qoral kéngeytküchilerni , yadro qorallirini yasashta qollinidighan munasiwetlik matériyal we üsküniler bilen teminligen. Buningdin sirt mezkür shirketler yene iran herbiy qisimlirini , iqtisad, téxnika we mulazimet jehettimu teminligen. (Eqide)

Pikirler (0)
Share
Toluq bet