Putin özining parlamént ezaliq salahitidin waz kechti

2007-12-13
Élxet
Pikir
Share
Print

Rusiye prézidénti wladimir putin 13- noyabir küni özining rusiye dumasining ezaliq salahiyitidin waz kechken. Bu xewerni rusiye merkiziy saylam komitéti ispatlighan bolup, téxi buningdin bir hepte ilgiri ötküzülgen rusiye parlamént saylimida putin parlamént ezaliqigha saylan'ghan. Xewerlerdin qarighanda, wladimir putin öz ornini rusiye birlik partiyisi merkiziy komitétining ezasi kawkowgha ötünüp bergen.

Bu weqe rusiye metbu'atlirining birdinla ghul - ghulisini qozghighan bolup, 10- dékabir küni putin öz iz basari süpitide birinchi mu'awin bash ministir dimitriy médwédiyéwni tallighan idi. Putin 42 yashliq mezkur prézidént namzati bilen 17 yilliq dostluq we hemkarliq tarixi barliqini yoshurmighan bolup, "gep anglaydighan, yawash xaraktérliq" adem dep teripliniwatqan médwédiyéw eger özining prézidént saylimida utup chiqsa, putinni bash ministir qilidighanliqini jakarlighan. Biraq, putin bu qétim özining parlamént ezaliqidin waz kéchip, uni bashqa ademge ötinip bergendin kéyin, rusiye metbu'atliri belki putinning yene bashqa birsini prézidént namzati qilishi mumkinlikini perez qilmaqta.

Bu küni yene dunya shahmat chémpiyoni, öktichi rehbiri garri kasparownmu özining prézidént namzitidin waz kechkenlikini élan qilghan. Nöwette, rusiyide putinning 3- qétim wezipe ötüshini telep qilidighan küchlermu köpeymekte. (Ümidwar)

Pikirler (0)
Share
Toluq bet