Русийиниң юкос ширкитини хитайлар сетивалған болуши мумкин

2004-12-31
Елхәт
Пикир
Share
Принт

Русийә енергийә министирлиқиниң ашкарилишичә, хитай нефит - тәбиий газ ширкити русийә юганскй бефит - газ ширкитиниң 20 ٪ пейини сетивалған болуши мумкин. Русийә дөләт нефит ширкити, йеқинда юкос ширкитиниң қармиқидики юганскй нефит газ ширкитини 9 милярд 400 милйон долларға сетивалған. Русийә енергийә министири виктор кристинко, русийә билән хитай, икки дөләт нефит ширкәтлириниң мал - мүлкини өз - ара сетивелишқа йол қоюш келишими имзалиғанлиқини ашкарилиди. Кристинко бу келишимни, " хитай - русийә рәһбәрлириниң енергийә саһәсидики һәмкарлиқни кеңәйтиш истратегийисиниң бир қисими," дәп көрсәткән. Русийә һөкүмити йеқинда хусусийлар игидарчилиқидики юкос нефит ширкитини сетип, бу ширкәтниң қеп қалған төләшкә тегишлик беҗини үндүривалди.

Бирақ, юкос ширкитини қоллиғучилар, юкосни җазалаш ширкәт хоҗайини кодорковскийдин сияси өз елишни мәқсәт қилған, дәп қаримақта. Баҗ оғрилаш билән әйибләнгән кодорковский, қамақ җазасиға һөкүм қилинған. Бу йил нефит баһасиниң шиддәт билән өрләп кетишидики сәвәпләрниң бири, хитайниң нефит енергийисигә болған иһтияҗиниң ешип кетиши иди. Бейҗиң һөкүмити дачиң билән русийиниң сибирийә арисиға нефит турубиси ятқузушни пиланлиған. Бирақ русийиә бу пиланға иһтиятчанлиқ билән муамилә қилмақта. Франсийә ахбарат агентлиқиниң җүмә күни хәвәр қилишичә, русийә һөкүмити японийигә тутушидиған ангариский - находка нефит туруба йолида иш башлашни қарар қилған.(Әркин)

Пикирләр (0)
Share
Толуқ бәт