Садам һүсәйин ашлиқ елан қилип дохтурханида йетип қалди

2006-07-23
Елхәт
Пикир
Share
Принт

Ирақ сабиқ президенти садам һүсәйин йәкшәнбә күни йәнә ашлиқ елан қилип 17‏- күнигә кәлгәндә тән-саламәтликиниң аҗизлап кетиши сәвәблик дохтурханиға кирип қалған.

Америка бирләшмә агентлиқиниң хәвәр қилишичә, сот җәрянлири вә адвокатиниң өлтүрүлүшигә нарази болуп ашлиқ елан қилған садам һүсәйин һазир дохтурханида асма укул билән озуқландурулмақта икән. Бирләшмә армийә полковники кейир кәвин, садам һүсәйинниң 7‏-ийолдин башлап һәр қандақ тамақни йийишни рәт қилғанлиқини, шу сәвәбтин униң саламәтлики бәк аҗизлап кәткәчкә, дохтурханида давалинишқа мәҗбур болғанлиқини билдүрди.

Садам һүсәйинниң адвокати хамис әл-обәйди 21‏- ийон күни қәстләп өлтүрүлгән болуп, садам ирақ даирилирини, өзиниң адвокатлирини қоғдаш чарилирини яхши қолланмиди дәп әйиблиди. Садам һүсәйин соти башлинип һазирғичә илгири-ахир болуп садамниң 3 адвокати қәстләп өлтүрүлгән иди. Садамниң ақлиғучилири бу адвокатларниң шиә мусулманлири тәрипидин өлтүрүлгәнликини билдүрмәктә.

66 яшқа киргән садам һүсәйинниң һазирқи саламәтлик әһвали сәвәблик униң үстидин ечилидиған дүшәнбә вә чаршәнбә күнидики сот кәйнигә сүрүлди. Ирақ сот әмәлдарлири, садам үстидин чиқирилидиған һөкүмниң бу йил 8‏-айларға тоғра келидиғанлиқини пәрәз қилди. Әгәр садам вә униң 3 әгәшкүчиси гунаһкар дәп җакарланса, улар өлүмгә һөкүм қилиниши мумкин икән. (Пәридә)

Пикирләр (0)
Share
Толуқ бәт