Садам һүсәйин үстидин чиқирилған өлүм җазаси күчкә игә қилинди

2006-12-26
Елхәт
Пикир
Share
Принт

Сабиқ ирақ президенти садам һүсәйин алдинқи айда өлүм җазасиға һөкүм қилинған болуп, униңға 150 кә йеқин шиә мусулманлирини өлтүргәнлик җинайити артилған иди.

Б б с агентлиқиниң учуридин қариғанда, ирақ соти үч һәптилик музакиридин кейин садам һүсәйин үстидин чиқирилған өлүм җазасини сақлап қелишни қарар қилди. Ирақ қануниға асасән садам һүсәйингә чиқирилған өлүм җазаси 30 күн ичидә иҗра қилиниши лазим икән.

Хәвәрләргә қариғанда, өлүм җазасиниң вақти һәм орни ашкарә елан қилинмайдикән.

Б б с агентлиқиниң учуридин қариғанда, садам һүсәйингә чиқирилған өлүм җазаси күчкә игә қилинғандин кейин, сәйшәнбә күни бағдадниң ғәрбий җәнубида аптомобил партлаш вәқәси йүз берип, 15 адәм өлгән, 60 нәччә адәм яриланған. Америкиниң ирақтики армийисиниң хәвәр қилишичә, сәйшәнбә күни йәнә бағдадниң ғәрбий җәнубида чарлаш елип бериватқан америка әскәрлири бомба һуҗумиға учрап, үч әскәр өлгән, бир яриланған, дүшәнбә күни болса үч америка әскири өлгән иди. Һазир ирақта өлгән вә яриланған америка әскәрлириниң сани барғансири ешип бармақта. (Үмидвар)

Пикирләр (0)
Share
Толуқ бәт