Sadam hüseyin üstidin chiqirilghan ölüm jazasi küchke ige qilindi

2006-12-26
Élxet
Pikir
Share
Print

Sabiq iraq prézidénti sadam hüseyin aldinqi ayda ölüm jazasigha höküm qilin'ghan bolup, uninggha 150 ke yéqin shi'e musulmanlirini öltürgenlik jinayiti artilghan idi.

B b s agéntliqining uchuridin qarighanda, iraq soti üch heptilik muzakiridin kéyin sadam hüseyin üstidin chiqirilghan ölüm jazasini saqlap qélishni qarar qildi. Iraq qanunigha asasen sadam hüseyin'ge chiqirilghan ölüm jazasi 30 kün ichide ijra qilinishi lazim iken.

Xewerlerge qarighanda, ölüm jazasining waqti hem orni ashkare élan qilinmaydiken.

B b s agéntliqining uchuridin qarighanda, sadam hüseyin'ge chiqirilghan ölüm jazasi küchke ige qilin'ghandin kéyin, seyshenbe küni baghdadning gherbiy jenubida aptomobil partlash weqesi yüz bérip, 15 adem ölgen, 60 nechche adem yarilan'ghan. Amérikining iraqtiki armiyisining xewer qilishiche, seyshenbe küni yene baghdadning gherbiy jenubida charlash élip bériwatqan amérika eskerliri bomba hujumigha uchrap, üch esker ölgen, bir yarilan'ghan, düshenbe küni bolsa üch amérika eskiri ölgen idi. Hazir iraqta ölgen we yarilan'ghan amérika eskerlirining sani barghansiri éship barmaqta. (Ümidwar)

Pikirler (0)
Share
Toluq bet