Sadam hüseyin öz yurti tikrikqa depne qilindi

2006-12-31
Élxet
Pikir
Share
Print

Sabiq iraq prézidénti sadam hüseyin 30 –dékabir yeni shenbe küni baghdadta grénwich waqti sa'et üchte dargha ésip öltürülgendin kéyin, 31-dékabir küni öz yurti tikrikke élip kélinip, depne qilindi.

En'giliye b b s agéntliqining uchuridin melum bolushiche, sadam hüseyinning jesiti bir dane amérika tik uchur ayropilani bilen 31-dekbabir küni tikrikke élip kélinip, yerlik emeldarlar we uning urugh tughqanlirigha tapshurup bérilgen shu küni tikrik yénidiki sadamning ana yurti a'uja yézisigha depne qilin'ghan.

Xewerde körsitilishiche, sadam hüseyin amérika eskerliri teripidin étip öltürülgen ikki oghli shuningdek uning anisi we newrisi depne qilin'ghan qebristanliqqa qoyulghan.

Sabiq iraq prézidéntining dargha ésilishigha nisbeten iraqta türlük inkaslar peyda bolghan. Sadam dargha ésilghan küni bir qisim shi'eler tebriklesh pa'aliyiti ötküzgen bolsa, bir qisim sünniyler naraziliq bildürgen hemde shi'eler yashaydighan ikki jayda toqunush yüz bérip, az dégende 70 adem hayatidin ayrilghan.

Sadam hüseyinning öltürülüshi heqqide xelq'ara jem'iyetning bahasi birdek emes bolup, b b s agéntliqining uchurigha asaslan'ghanda, iraq téléwiziye istansisini sadamning jinayetlirini körsitish bilen birge bash ministir maliki "sadamning ölüshi iraq tarixidiki bir qarangghu-zulmetning axirlashqanliqidur" dégen. (Ümidwar)

Pikirler (0)
Share
Toluq bet