Sadamning ölümi heqqide türlük inkaslar

2006-12-31
Élxet
Pikir
Share
Print

30-Dékabir küni sabiq iraq rehbiri sadam hüseyin dargha ésilghandin kéyin, xelq'ara jemiyette türlük inkaslar peyda boldi.

Amérika awazi radi'osining uchurigha asaslan'ghanda, amérika prézidénti bush "sadamning ölüshi iraq xelqining qiyinchiliq yillirining axirlashqanliqini körsitidu" dégen shuning bilen bir waqitta u buning bilen iraqtiki zorawanliqlarning axirlashmaydighanliqini agahlandurghan.

En'giliye hökümiti bolsa, sadam özi we xelqi üchün ötküzgen jinayetliri üchün bedel tölidi dep baha bergen.

Rusiye bilen hindistan sadamning öltürülüshining iraqta téximu bekrek qalaymiqanchiliq we zorawanliqlarni keltürüp chiqiridighanliqini bildürgen.

Rusiye yene yekshenbe küni amérikini daritmilap eyibligen. Kuweyt hökümiti "iraq xelqining ghelibisi" dep teripligen bolsa, liwiye üch künlük matem tutush élan qilghan. Xamas rehberlikidiki pelestin hökümiti bu weqeni qattiq eyibligen. Pakistan, hindistan qatarliq ellerde naraziliq namayishliri yüz bergen. Xelq'ara insan hoquqi teshkilatimu sadamning dargha ésilishini tenqid qilghan. (Ümidwar)

Pikirler (0)
Share
Toluq bet