Дуҗаил вәқәсидә һаят қалған шаһит садамға қарши сотқа чиқти

2006-08-23
Елхәт
Пикир
Share
Принт

Ирақ сабиқ президенти садам һүсәйинниң 1987‏- йилидики курдлар үстидин елип барған қирғинчилиқ һәрикитидә һаят қалған шаһит чаршәнбә күни сотқа чиқип, бу вәқәниң чинлиқи һәққидә испатлиқтин өтти.

Сотта адиба ола байез исимлик бу аял садам һүсәйинниң 1987‏- йили 16‏- авғуст күни балисан кәнтини зәһәрлик химийивий қораллар билән бомбардиман қилғанлиқини һәтта буниңдин қечип маңған кишиләрниму тағда қоршап бомбилиғанлиқини ейтқан.

Униң испат беришичә, шу вәқәдин кейин униң көзи көрмәс болуп қалған. Униң иниси һәмдә инисиниң аяли вә бала- чақилири химиийилик бомбида зәһәрлинип өлгән. Адибаниң йолдишиму сәйшәнбә күни сотта испатлиқтин өтүп, балисандики зиянкәшликләр һәққидә мәлумат бәргән.

Садам һүсәйин вә униң йеқинлиридин 7 киши нөвәттә 1987‏- йилидики курдларни қириш йолида елип берилған анфал һәрикити билән әйиблиниватқан болуп, садам вә униң шириклири үстидин чиқирилидиған тунҗи һөкүм 16‏- өктәбир күни елан қилинмақчи. Әгәр улар гунаһкар дәп җакарланса, у һалда уларға дарға есип өлтүрүш җазаси берилиду.

1987‏- Йилидин 1988 йилиғичә елип берилған анфал һәрикитиниң көлими 80‏- йиллардики дуҗаил қирғинчилиқидинму чоң болуп, анфал һәрикитидә ирақниң һәр қайси җайлиридин болуп, 50 миңдин 180 миңғичә курд пуқраси қирғин қилинған иди. (Пәридә)

Пикирләр (0)
Share
Толуқ бәт