Duja'il weqeside hayat qalghan shahit sadamgha qarshi sotqa chiqti

2006-08-23
Élxet
Pikir
Share
Print

Iraq sabiq prézidénti sadam hüseyinning 1987‏- yilidiki kurdlar üstidin élip barghan qirghinchiliq herikitide hayat qalghan shahit charshenbe küni sotqa chiqip, bu weqening chinliqi heqqide ispatliqtin ötti.

Sotta adiba ola bayéz isimlik bu ayal sadam hüseyinning 1987‏- yili 16‏- awghust küni balisan kentini zeherlik ximiyiwiy qorallar bilen bombardiman qilghanliqini hetta buningdin qéchip mangghan kishilernimu taghda qorshap bombilighanliqini éytqan.

Uning ispat bérishiche, shu weqedin kéyin uning közi körmes bolup qalghan. Uning inisi hemde inisining ayali we bala- chaqiliri ximi'iyilik bombida zeherlinip ölgen. Adibaning yoldishimu seyshenbe küni sotta ispatliqtin ötüp, balisandiki ziyankeshlikler heqqide melumat bergen.

Sadam hüseyin we uning yéqinliridin 7 kishi nöwette 1987‏- yilidiki kurdlarni qirish yolida élip bérilghan anfal herikiti bilen eyibliniwatqan bolup, sadam we uning shirikliri üstidin chiqirilidighan tunji höküm 16‏- öktebir küni élan qilinmaqchi. Eger ular gunahkar dep jakarlansa, u halda ulargha dargha ésip öltürüsh jazasi bérilidu.

1987‏- Yilidin 1988 yilighiche élip bérilghan anfal herikitining kölimi 80‏- yillardiki duja'il qirghinchiliqidinmu chong bolup, anfal herikitide iraqning her qaysi jayliridin bolup, 50 mingdin 180 mingghiche kurd puqrasi qirghin qilin'ghan idi. (Peride)

Pikirler (0)
Share
Toluq bet