Шаңхәй һәмкарлиқ тәшкилати демократийиниң кеңийишигә тосқунлуқ қилмақта

2006-09-28
Елхәт
Пикир
Share
Принт

Америка дөләт мәҗлиси кеңәш палатасида өткүзүлгән гуваһлиқтин өтүш йеғинида, шаңхәй һәмкарлиқ тәшкилатиниң демократийиниң оттура асияда кеңийишигә тосқунлуқ қиливатқанлиқи билдүрүлди.

9‏-Айниң 26‏- күни америка кеңәш палатасида, америка һелсинки комитети тәрипидин уюштурулған йеғинда, шаңхәй һәмкарлиқ тәшкилатиниң, америка үчүн истратегийилик, сиясий вә иқтисадий җәһәттин әһмийити күнсери көпийиватқан оттура асиядики тәсири муһакимә қилинған.

Йеғинға қатнашқан америка ташқи ишлар министириниң җәнубий асия вә оттура асия ишлириға мәсул ярдәмчиси ричард бавчәр, террорчилиққа қарши туруш, чегра бихәтәрлики, сиясий, иқтисадий вә енергийә мәсилилиридә һәмкарлиқини өзиниң асаслиқ нишани қилип бекиткән шаңхәй һәмкарлиқ тәшкилати, өзиниң роли вә мәқсәтлирини қандақ вә қайси йол билән әмәлгә ашурудиғанлиқини очуқ- ашкара баян қилиши керәк, деди.

Йиғинда сөз қилған, карниги тәтқиқат мәркизиниң мутәхәссиси доктор алкот, хитай вә русийиниң шаңхәй һәмкарлиқ тәшкилатиниң сияситини бәлгиләватқан икки дөләт икәнликини тәкитләп, хитай һөкүмитиниң һәтта уйғурлар мәсилисидә оттура асия дөләтлириниң ички ишлириға арилишиватқанлиқини, оттура асиядики уйғурларниң, уйғур елидики хитай һөкүмитигә қарши һәрикәтләрни қоллимаслиқи үчүн, оттура асия дөләтлиригә бесим ишлитиватқанлиқини билдүрди.

Йиғинда сөз қилған мутәхәссисләр, шаңхәй һәмкарлиқи тәшкилатиниң, демократийини кеңәйтиш һәрикитигә қарши чиқип, кишилик һоқуқ мәсилисини һәр бир дөләтниң ички иши дейиш арқилиқ, демократийә вә кишилик һоқуққа қарши һәмдә районда америка вә ғәрбниң мәнпәәтлиригә тәһдит қилидиған бир тәшкилат болуп оттуриға чиққанлиқини билдүрди. (Қанат)

Пикирләр (0)
Share
Толуқ бәт