Türkmenistan prézidénti seper murat niyazof wapat boldi

2006-12-21
Élxet
Pikir
Share
Print

20 Yildin béri, türkmenistanni qattiq qolluq bilen idare qilip kelgen prézidént seper murat niyazof öldi. Türkmenistan döletlik téléwiziyisi, türkmenistan xelqighe özini "türkmen bashi" yeni pütün türkmenlerning atisi dep atatqan 66 yashtiki niyazofning peyshenbe küni etigende yürek soqushi toxtighanliqini bildürdi.

Seper murat niyazof 1985‏- yilidin béri türkmenistanda hakimiyet yürgüzüp kelgen. U chaghda téxi sowit ittipaqi parchilanmighan bolup, türkmenistan sowit ittipaqining bir jumhuriyiti idi. 1991‏- Yili sowit ittipaqi yimirilgendin kéyin, türkmenistandiki hakimiyitini qoghdap qalghan niyazof, türkmenistanda mutleq hökümranliq sisitémisi qurup, bu döletni sabiq sowit jumhuriyetliri arisida eng qattiq qol bilen idare qiliniwatqan bir jumhuriyetke aylandurdi.

Pütün siyasiy öktichilirini her xil usullarda yoqitip, özining yekke hakimiyitini tikligen niyazof, türkmenistanning her qaysi sheher we yézilirida özining heykilini turghuzdi. Hetta ay we künlerning ismini özgertip, ay we künlerge özining we anisining ismini berdi.

Xelq'ara kishilik hoquq teshkilatliri we gherb döletliri prézidént niyazofning hakimiyitini qattiq tenqid qilghan.

Siyasiy mulahizichiler, stalinning ölümi eyni waqittiki sowit xelqi üchün qandaq tesir qaldurghan bolsa, 20 yildin béri türkmenistanni qattiq qolluq bilen idare qilip kelgen niyazofning ölümi, türkmenistan xelqighe oxshash tesirat qaldurushi mumkin, déyishmekte. (Qanat)

Pikirler (0)
Share
Toluq bet