Түркмәнистан парламенти 11-феврал күни президент сайлими өткүзүшни қарар қилди

2006-12-26
Елхәт
Пикир
Share
Принт

Түркмәнистан парламенти һесаблинидиған хәлқ мәслиһәти 26- дәкабир күни пәвқуладдә йиғин ечип, президент намзатлирини бекитти вә 11-феврал күни президент сайлими өткүзүшни қарар қилди.

Әнглийә б б с агентлиқи вә русийә агентлиқлиридин "страна.Ру" ниң учурлиридин қариғанда. Дәсләпки қәдәмдә парламент 11 адәмни президент намзити қилип таллиған болуп, буларниң ичидә вақитлиқ вәзипә өтәватқан қурбан гүл бәрдимуһәммәдопму бар икән.

Хәлқ мәслиһәти бирдәк һалда сабиқ муавин баш министир бәрдимуһәммәдопни намзатлиққа көрсәткән болуп, у 21- дәкабир күни сәпәр мурат ниязоп туюқсиз вапат болғандин тартип, бу җумһурийәтни вақитлиқ башқуруп кәлмәктә.

Хәвәрләрдин қариғанда, шивитсийә панаһлиқта туриватқан туркмәнистанөктичи вәтән партийиси һәмдә украинийидики түркмәнистан демократик күчлири иттипақи дәп аталған тәшкилат өзлириниң президент намзитини көрситишкән болуп, вәтән партийисиниң башлиқи, оразоп президент намзатлиқиға көрситилгән.

Сәпәр мурат ниязоп түркмәнистанда пәқәт бирла партийини йәни өзи қурған туркмәнистан демократик партийисини қанунлуқ партийә дәп бекиткән болғачқа башқа һәр қандақ өктичи партийә-гуруһлар бу җумһурийәттин қоғлинишқа яки паалийитини тохтитишқа мәҗбур болған иди.

Көзәткүчиләр түркмәнистанда йеңи һакимийәтниң орнитилишиниң мурәккәп җәрянни баштин кәчүрүши мумкинликини оттуриға қоюшмақта. Өктичиләр түркмәнистанниң ниязоп дәвригә хатимә берип, демократийә йолиға меңишини арзу қилиду. Лекин вақитлиқ вәзипә өтәватқан бәрдимуһәммәдоп, сайламниң "бүйүк рәһбәр қурған демократик асаста елип берилидиғанлиқини" билдүргән. Көпинчә көзәткүчиләр бәрдимуһәммәдопниң президент болуп қелиш еһтималлиқиниң зорлуқуни билдүрүшмәктә.

Диктаторлуқ билән әйипләнгән сәпәр мурат ниязоп 21-дәкабир күни туюқсиз вапат болған иди.(Үмидвар)

Пикирләр (0)
Share
Толуқ бәт