Түркмәнистан йеңи президенти түркмәнистанда икки торханиниң ечилишиға йол қойди

2007-02-17
Елхәт
Пикир
Share
Принт

Түркмәнистанниң йеңи президенти қорбанғули бәрди муһәммәдоф, түркмәнистанда чәклик сиясий ислаһат елип бериш тоғрисида бәргән вәдисигә әмәл қилип, ашабадда икки торханиниң ечилишиға рухсәт бәрди.

21‏- Декабир күни туюқсиз вапат болған түркмәнистан диктатор президенти сәпәр мурат ниязоф, интернет чайханилириниң ечилишини қәти чәклигән иди.

Франсийә агентлиқиниң хәвәр қилишичә, бәрдимуһәммәдоф чаршәнбә күни түркмәнистан президент вәзиписини тапшуруп алғандин кейин, бир нәччә саәт ичидила ашабадда икки интернет чайханисиниң ечилиши тоғрисида буйруқ чүшүргән. Сиясий мулаһизичиләр, президент бәрди муһәммәдофниң бу һәрикитини униң түркмәнистанда сиясий ислаһат елип бериш ирадисиниң бир бишарити дәп қаримақта.

Бәрдимуһәммәдоф, өткән йәкшәнбә күни елип берилған президент сайлимида, түркмәнистанниң йеңи президент болуп сайланған иди. Гәрчә явропа бихәтәрлик вә һәмкарлиқ тәшкилати қатарлиқ хәлқара тәшкилатлар түркмәнистанда елип берилған сайламни көп җәһәттин тәнқид қилған болсиму, лекин бу сайламни түркмәнистанда демократийә йолида яхши бир башлиниш дәп көрсәткән. Америка ташқи ишлар ярдәмчи министири ричард бавчәр, җүмә күни түркмәнистаннниң йеңи президенти бәрдимуһәммәдоф билән учрашқандин кейин, ашқ ашабадта мухбирларға бәдгән баянатида, түркмәнистанниң демократийә йолиға қәдәм ташлаш һәмдә тәбий газини експорт қилиш үчүн йеңи йоллар издәш вақти кәлди, дегән иди.

Түркмәнистан һазирғичә тәбий газини пәқәт русийә арқилиқла чәт дөләтләргә експорт қилмақта. (Қанат)

Пикирләр (0)
Share
Толуқ бәт