Rusiyining türkmenistan teb'iy gazi üstidiki kontrolluqi dawamlishidu

2007-04-24
Élxet
Pikir
Share
Print

Türkmenistanning diktatori seper murat niyazofning tuyuqsiz ölümidin kéyin, türkmenistanning teb'iy gazini kontrol qilish üchün,dunyadiki chong döletler otturisida élip bériliwatqan riqabette, rusiye ghelibe qilghandek turidu.

Roytris agéntliqining moskwadin xewer qilishiche, rusiyini ziyaret qiliwatqan türkmenistan prézidénti berdimuhemmedof seyshenbe küni teb'iy gaz mesiliside rusiye bilen uzun muddetlik bir hemkarliq kélishimi imzalashni qobul qilghan.

Türkmenistanning yéngi prézidénti berdimuhemmedof moskwada rusiye prézidénti wladimir putin bilen uchrashqandin kéyin bergen bayanatida " biz her sahede türkmenistan teb'iy gazini iskport qilish mesiliside hemmidin burun rusiye bilen hemkarliqimizni kücheytishini xalaymiz"dégen.

Amérika we yawrupa ittipaqi teb'iy gazini hazirghiche peqet rusiye arqiliq dunya bazrigha éksport qiliwatqan türkmenistanni, teb'iy gazini iksport qilish üchün bashqa yollar tépishqa qayil qilishqa tirshmaqta. Shundaqla xitay türkmenistan bilen uzun muddetlik bir teb'iy gaz kélishimi imzalash üchün pa'aliyet élip barmaqta.

Lékin türkmenistan prézidénti berdimuhemmedof, moskwada rusiye rehberliri bilen élip barghan söhbitide, rusiye bilen türkmenistan otturisida mewjut kélishimni dawamliq qollaydighanliqini jakarlash arqiliq rusiyining türkmenistan teb'iy gazi üstidiki kontrolluqining dawamlishishini qobul qilghan. (Ömer qanat)

Pikirler (0)
Share
Toluq bet