Hindistanda keng kölemlik namayish boldi

2007-10-28
Élxet
Pikir
Share
Print

Hindistandiki kembeghel déhqanlarning 30 kün piyade yol méngip, hökümettin yer teqsim qilip bérish we yer islahat élip bérishni telep qilip uyushturghan namayishigha qatnashqanlarning sani üzlüksiz köpiyip, namayishchilar yekshenbe küni paytext yéngi déhligha yétip kélip toplan'ghanda ularning sani 25 mingdin ashqan.

Roytérs agéntliqining uchurlirigha asaslan'ghanda, namayishchilar 325 kilométir yolni piyade basqan bolup, namayishchilar hindistan bash ministiri bilen körüshüshni telep qilghan.

Namayishchilar hökümetning bir yer islahati komitéti qurup, yer islahatini qet'iy élip bérishni, uzundin buyan hel bolmay kéliwatqan yer délosini bir terep qilishni telep qilghan. Shuning bilen bir waqitta yene déhqanlarning yer mesilisi, kembeghelchilik we bashqa mesililiridin paydilan'ghan mawchilar dep atalghan kommunistlar qoralliq guruppilarni teshkillep hökümet eskerliri bilen köp qétim toqunushqan idi. Mawchilarmu yer islahati mesilisini kötürüp chiqip, kembeghel déhqanlarni qoligha qoral élip hökümetke qarshi turushqa küshkürtken bolsimu, biraq keng qollashqa érishelmigen iken.

25 Ming kishilik namayishchilarning rehberliri hindistandiki hakimiyet béshidiki partiye rehbiri suniya gendi bilen körüshken, ular 2-öktebir küni hindistan musteqilliq küni yeni sabiq hindistan rehbiri gendining tughulghan küni yéngi déhlida chong kölemde namayish xaraktérliq xatirilesh élip baridiken. (Ümidwar)

Pikirler (0)
Share
Toluq bet