Hindistan, xitay we rusiye iqtisadiy hemkarliq yighini

2007-12-15
Élxet
Pikir
Share
Print

Shenbe küni, hindistanning paytexti yingi déhli shehiride ötküzülgen bir künlük yighinigha qatnashqan, hindistan, rusiye we xitay hökümet xadimliri we karxanchiliri, mezkur üch dölet otturisidiki iqtsadiy munasiwetlerni téximu kücheytidighanliqini bildürgen.

Franisye agéntliqining xewer qilishiche, yighin'gha qatnashqan hindistan hökümitining aliy derijilik bir xadimi," hindi'istan, xitay we rusiye nahayiti köp tebi'y menbelerge hemde énérgiye zapisigha ige üch dölet. Shunga bu üch dölet öz-ara bir iqtsadiy shériklik qurushi kérek" dégen.

Gerche hindistan, xitay we rusiye hökümet xadimliri shenbe künidiki yighinda, öz-ara iqtsadiy hemkarliqni kücheytish mesilsini tekitligen bolsimu, lékin siyasiy analizchilar, bu üch dölet otturisida bolupmu, xitay bilen hindistan otturisida nurghunlighan menpe'et toqunushning mewjut ikenlikini, hetta hindistan bilen xitayning dunyaning her qaysi jayliridiki énérgiye menbelirining kontrolliqini qolgha keltürüsh üchün bir-biri bilen jiddiy riqabetlishiwatqanliqini bayan qilmaqta.

Ularning éytishiche, énérgiye menbeliri üstidiki riqabettin sirt yene, hindistan bilen xitay otturisida jiddiy chégra ixtilapi mewjut bolup, bu ikki dölet otturisdiki bu ixtilap téxi hel bolmighan. (Ömer qanat)

Pikirler (0)
Share
Toluq bet