Rusiye xitay köchmenlirini ret qildi

2007-10-19
Élxet
Pikir
Share
Print

Rusiye prézidénti wladimir putin, rusiyining kéler 20 yilliq nopus tereqqiyat siyasiti heqqidiki bir höjjetke imza qoyghan bolup, bu höjjet bir tereptin ölüm - yétimni azaytish we rusiyiliklerni köprek tughushqa righbetlendürse, yene bir tereptin rusiyige köchmen qobul qilishni otturigha qoyghan.

Lékin rusiyining dölet bixeterliki sewebidin köchmen qobul qilinidighan döletler arisigha bixeterlik sewebidin xitayni kirgüzmidi. Bu höjjet rusiye nopusi kémiyip kétishtek ehwalgha xatime bérish meqsitide chiqirilghan bolup, höjjette 1015 ‏- yilghiche rusiye nopusini 142 ‏- 143 milyon ariliqida saqlap qélish, 2025 ‏- yilghiche 145 milyon'gha yetküzüsh pilanlan'ghan.

Höjjette körsitilishiche, sirttin köchmen qobul qilinidighan döletler sabiq sowét ittipaqi jumhuriyetlirini asas qilidiken. Lékin analizchilar, sowét ittipaqi jumhuriyetliridin ukra'iniye we blarusiyilerning nopusi cheklik bolghanliqtin, rusiyige kélidighan köchmenlerning ottura asiya jumhuriyetlirini asas qilidighanliqini bildürmekte.

Emma analizchilarning eskertishiche, ottura asiya jumhuriyetliridin kélidighan köchmenlerning sani yenila cheklik bolup, ular rusiyini éhtiyaj bolghan köchmenler bilen teminliyelmesliki mumkin. Bu ehwalda rusiye xitay köchmenlirige yüzlinemdu ? rusiyilik analizchilar bolsa bu éhtimalliqni ret qildi. Rusiyilik nopusshunas wéshinifskiy, "xitay köchmenlirini qobul qilish arqiliq rusiyidiki nopus krizisini hel qilishning xéyim - xetiri nahayiti zor..... Chünki zor kölemlik xitay köchmenlirining rusiyining yiraq sherqidiki rayonlargha orunlashturush rusiye dölet bixeterlikige tehdit," deydu. (Erkin)

Pikirler (0)
Share
Toluq bet