Xelq'ara kechürüm teshkilati bushni xitaygha bésim ishlitishke chaqirdi

2008-02-11
Élxet
Pikir
Share
Print

Xitayda ötküzülidighan olimpik yétip kélish aldida, xelq'ara kechürüm teshkilati amérika prézidénti jorj boshqa mektup yollap, bushni olimpiktin ilgiri kishilik hoqoqini yaxshilash jehette xitaygha bésim ishlitishke chaqirdi.

Mektupta, prézidént bushning 2008- yilliq béyjing olimpiki échilish murasimigha qatnishish teklipini qobul qilghanliqi we bushning prézidéntliq salahiyiti bilen xitaygha qilidighan axirqi sepiri jeryanida kishilik hoquq mesilisini bu nöwetlik ziyaritining merkiziy nuqtisi qilishi kérekliki tekitligen.

Mektupta xitaydiki kishilik hoquqni depsende qilish da'irisining intayin keng ikenliki körsitilip mundaq déyilgen: " hörmetlik prézidént ependi, xitayda kishilik hoquqning keng da'iride depsende qiliwatqanliqi ademning könglini ghesh qilidu."

Mektupta yene, xitayda hazir 250 milyondek ademning emgek bilen tutup tutush orunlirida" sotning hökümisiz tutup turuluwatqanliqi we minglighan ademlerning din'gha munasiwetlik wehshi weyranchiliqqa we siyasi basturulushqa duch kéliwatqanliqi körsitilip, bularning ichide musulmanlar we falun'gongchilarmu tilgha élin'ghan.

Mektupta, xelq'ara kechürüm teshkilatning ijra'iye diréktori lariy koks ependi amérika prézidénti bushni xitaydiki kishilik hoquq pa'aliyetchilirining hoquqini qoghdash, intérnét erkinlikini qoyuwétish, emgek bilen özgertish tüzümini bikar qilish, ölüm jazasigha höküm qilinidighan jinayet türlirini azaytish jehetlerde xitay hökümitige bésim ishlitishke qistidi. Mezkur teshkilat bu munasiwet bilen bügün, bir qisim xelq'ara teshkilatlar bilen birlikte aqsaray aldida namayish ötküzdi.

Bush ötken yili 6- séntebir küni awstraliyining sidnéy shehiride xitay prézidénti xu jintawning 2008- yilliq béyjing olimpikige qatnishish teklipini qobul qilghan idi. (Jüme)

Pikirler (0)
Share
Toluq bet