Афғанистан сақчилири кабулда 46 нәпәр хитай паһишә аялни қолға алди

2006-02-08
Елхәт
Пикир
Share
Принт

Афғанистан сақчи даирилири сәйшәнбә күни кабулда елип барған бир қетимлиқ тазилаш һәрикитидә, 46 нәпәр хитай паһишә аялни қолға алған. Бу талибан һакимийити ағдурулғандин буянқи әң чоң бир қетимлиқ тазилаш һәрикити болуп һесаблиниду.

Франсийә агентлиқиниң хәвиригә қариғанда, кабул сақчилири бу аялларни бу йәрдики бир қанчә рестуран вә меһманханилардин йиғивалған. Сақчилар һәтта тамақхана дәп ечилған бу хитай рестуранлирида бирәр ашпәзниңму йоқлиқини, бу йәрдә пәқәт паһишилиқ қилмишлириниң елип берилидиғанлиқини байқиған.

Хәвәрдә көрситилишичә, бу аяллар һазир сақчида тутуп турулмақта икән һәмдә уларниң делоси сотқа сунулидикән. Буниң алдида өткән йилиму 5 нәпәр хитай паһишә аял сақчилар тәрипидин қолға елинип, йерим йилдәк түрмидә соланғандин кейин, чеградин хитайға қоғлап чиқирилған иди.

Талибан һакимийити ағдурулғандин кейинки 4 йилдин буян, афғанистанда хитай рестуранлири хели көпийип қалған. Йеңи афғанистан һөкүмити гәрчә дөлитидә һарақ-шарабларни чәклисиму, лекин мусулман болмиған чәтәл рестуранлириниң һарақ сетишиға йол қойиду. (Пәридә)

Пикирләр (0)
Share
Толуқ бәт