Канадада панаһланған хитай дипломатиниң аяли хитай әлчиханисиниң паалийәтлирини ашкарилиди

2007-03-31
Елхәт
Пикир
Share
Принт

5‏- Март күни канада һөкүмитидин сиясий панаһлиқ тәләп қилған хитайниң канадада турушлуқ баш әлчиханисидики хитай дипломатиниң аяли җйәнҗаң, хитай баш әлчиханисини, канададики хитай сиясий өктичиләрни давамлиқ бастурушқа урунған дәп, әйиблиди.

Җян җүмә күни мухбирларға бәргән баянатида, хитай әлчиханиси өз мәқсәтлиригә йетиш үчүн канададики хитай җамаити ичидә тәсир даирисисини кеңәйтип, җамаәтниң паалийәтлирини контрол қилимақта дәп, көрсәтти.

Җян, хитай әлчихана хадимлириниң, хитай сиясий өктичилириниң нйойоркдики бир радио истансиниң аңлитишлирини тосаш үчүн елип барған паалийәтлирини, хитай әлчиханисиниң сиясий өктичиләргә қарши елип бериватқан паалийәтлириниң бир мисали қилип көрсәтти.

Җян шундақла, канададики хитай әлчиханисиниң хәлқиниң канададики фалоңгоң муритлириға қарши нәпритини қозғаш үчүн паалийәтләр елип барғанлиқини илгири сүрди. У җүмә күни канаданиң пайтәхти оттава шәһиридә мухбирларға бәргән баянатида, "хәлқниң канададики фалоңгоң муритлириға қарши нәпритини қозғаш үчүн хитай әлчиханисида тәйярланған матирялларни өз көзүм билән көрдүм һәмдә хитай баш әлчисиниң әлчихана хадимлиригә фалоңгоң һәққидә тәйярланған һөҗҗәтләрни канада һөкүмәт хадимлири вә канада парламент әзалириға тарқаттим дегәнликини аңлидим" деди.

Җян җаң , канада пуқраси һөсәйинҗан җелил вә хитайниң канадаики разветка паалийәтлири, икки дөләт оттурисида күнсери җиддилишиватқан сода ихтилапи түпәйлидин канада- хитай мунасивәтлири йирикләшкән бир пәйттә, канада һөкүмитидин сиясий панаһлиқ тәләп қилған. (Қанат)

Пикирләр (0)
Share
Толуқ бәт