Kanadada panahlan'ghan xitay diplomatining ayali xitay elchixanisining pa'aliyetlirini ashkarilidi

2007-03-31
Élxet
Pikir
Share
Print

5‏- Mart küni kanada hökümitidin siyasiy panahliq telep qilghan xitayning kanadada turushluq bash elchixanisidiki xitay diplomatining ayali jyenjang, xitay bash elchixanisini, kanadadiki xitay siyasiy öktichilerni dawamliq basturushqa urun'ghan dep, eyiblidi.

Jyan jüme küni muxbirlargha bergen bayanatida, xitay elchixanisi öz meqsetlirige yétish üchün kanadadiki xitay jama'iti ichide tesir da'irisisini kéngeytip, jama'etning pa'aliyetlirini kontrol qilimaqta dep, körsetti.

Jyan, xitay elchixana xadimlirining, xitay siyasiy öktichilirining nyoyorkdiki bir radi'o istansining anglitishlirini tosash üchün élip barghan pa'aliyetlirini, xitay elchixanisining siyasiy öktichilerge qarshi élip bériwatqan pa'aliyetlirining bir misali qilip körsetti.

Jyan shundaqla, kanadadiki xitay elchixanisining xelqining kanadadiki falonggong muritlirigha qarshi nepritini qozghash üchün pa'aliyetler élip barghanliqini ilgiri sürdi. U jüme küni kanadaning paytexti ottawa shehiride muxbirlargha bergen bayanatida, "xelqning kanadadiki falonggong muritlirigha qarshi nepritini qozghash üchün xitay elchixanisida teyyarlan'ghan matiryallarni öz közüm bilen kördüm hemde xitay bash elchisining elchixana xadimlirige falonggong heqqide teyyarlan'ghan höjjetlerni kanada hökümet xadimliri we kanada parlamént ezalirigha tarqattim dégenlikini anglidim" dédi.

Jyan jang , kanada puqrasi höseyinjan jélil we xitayning kanada'iki razwétka pa'aliyetliri, ikki dölet otturisida künséri jiddilishiwatqan soda ixtilapi tüpeylidin kanada- xitay munasiwetliri yirikleshken bir peytte, kanada hökümitidin siyasiy panahliq telep qilghan. (Qanat)

Pikirler (0)
Share
Toluq bet