Qazaqistan ikki neper xitay tenheriketchini puqraliqqa qobul qilmaqchi

2008-03-09
Élxet
Pikir
Share
Print

Qazaqistan uchur agéntliqining xewer qilishiche, yéqinda qazaqistan hökümiti xitaydin almutigha kélip yerlishishni xalighan xitayning közge körün'gen éghirliq kötürüsh mahirliridin 22 yashliq yu meyli bilen 15 yashliq chonglinni qazaqistan puqraliqigha qobul qilip, ularni qazaqistan dölet komandisi terkibide olimpik musabiqisigha qatnashturushni qarar qilghan iken.

Ottura asiya uchur agéntliqining xewer qilishiche, bu ikki xitay qiz tenheriketchi xunen ölkisidin kelgen bolup, yu meylining béyjing olimpik musabiqisige qatniship, qazaqistan üchün netije qazinidighanliqi perez qilin'ghan. Emma, 15 yashliq chonglinning bolsa, hazirche bu musabiqige qatnishish yash ölchimige toshmaydiken.

Mezkur ikki xitay tenheriketchi xitay komandilirida mexsus terbiye körgen bolup, ularning netijiliri qazaqistanda alahide orunda turidiken. Yéqinqi yillardin buyan qazaqistan rusiye, gruziye, özbékistan, qirghizistan we bashqa döletlerning bir qisim meshhur tenheriketchilerni puqraliqqa qobul qilip, ularni qazaqistan'gha wakaliten xelq'ara musabiqilargha qatnashturghan, qazaqistan tenheriket sahesi chet'el tenheriketchilirini puqraliqqa qobul qilish usuli bilen özining xelq'ara tenterbiye musabiqilirida netije qazinishini qolgha keltürmekchi bolghan.

Shu sewebtin qazaqistan mezkur ikki neper xitay tenheriketchige mexsus öy, ma'ash, yémek - ichmek hem mexsus terjiman ajritip, ularning halidin xewer alghan. Biraq, bularning xelq'ara musabiqilarda heqiqeten chémpiyon bolup, qazaqistan üchün sherep keltürüshi heqqide söz échish hazirche baldur hésablinidiken. (Ümidwar)

Pikirler (0)
Share
Toluq bet