Yawropa elliride xitay olimpikini bayqut qilish pikiri kücheymekte

2008-03-24
Élxet
Pikir
Share
Print

2008 - Yilliq béyjing olimpiki mesh'ilige ot yéqish murasimi bashlan'ghan minutlarda, bir qisim yawropa elliride xitay olimpikini bayqut qilish pikiri xéli küchlük rewishte otturigha chiqishqa bashlighan bolup, melum bolushiche, daniye xelq partiyisi daniye bash ministirini olimpikni bayqut qilishqa qistighan bolsa, ray sinashqa qatnashqan 959 fransiyilikning 53 pirsenti béyjing olimpikini bayqut qilish kérek dep qarighan.

Birleshme agéntliqida körsitilishiche, fransiyide chiqidighan azadliq gézitide bérilgen "xitaydiki kishilik hoquq mesilige qandaq qarshi turush kérek" dégen so'algha 53 pirsent kishi fransiye prézidénti sarkozyning olimpik échilish murasimini bayqut qilishi kérek dep qarighan bolsa, 42 pirsent kishi bu pikirni qollimighan.

Xewerde körsitilishiche yene, 55 pirsent kishi tenheriketchilerning olimpikni bayqut qilish pikirini qollimighan bolsimu, emma 41 pirsent kishi fransiye tenheriketchiliri musabiqe meydanidin chiqip kétip olimpikni bayqut qilishi kérek, dep qarighan.

Emma, düshenbe küni daniye xelq partiyisi daniye bash ministiri andérs rasmussénni xitayning tibette élip barghan basturush herikitige qarshi turush üchün béyjing olimpikige daniyining qatnishishini emeldin qaldurushqa qistidi.

Mezkur partiye daniyidiki 3 - chong partiye bolup, birleshme agéntliqida neqil qilinishche, mezkur partiye re'isi kirstan dahl daniyining béyjing olimpikini pütünley bayqut qilish kéreklikini bildürüp, daniyining mezkur olimpikke qatnishishi xitay hökümitining az sanliq milletler üstidin élip bériwatqan basturush siyasitini qobul qilghanliqni bildüridighanliqini, shunga bash ministirning bu heqtiki munazirini keynige sürmesliki lazimliqini otturigha qoyghan. (Jüme)

Pikirler (0)
Share
Toluq bet