Xitay 2006 - yilliq dölet mudapi'e aq tashliq kitabi élan qildi

2006-12-29
Élxet
Pikir
Share
Print

Xitay hökümiti jüme küni 2006 - yilliq "dölet mudapi'e aq tashliq kitabi" élan qilip, xitayning yiligha 17 % lik sür'ette köpiyip bériwatqan dölet mudapi'e xam choti we herbiy ishlar tereqqiyatini rayon we dunya bixeterlikige tehdit emes, dep aqlidi. Bu xitayning 1998 - yildin béri 5 - qétim dölet mudapi'e aq tashliq kitabi élan qilishi bolup hésablinidu.

Aq tashliq kitabta " nöwette xelq'ara jem'iyet duch kéliwatqan bixeterlik tehditi künséri murekkepleshmekte shundaqla bu köp tereplimilikke qarap yüzlenmekte. Jonggo teywen musteqilchi küchlirini tosash jehette murekkep hem jiddi küreshke duch kéliwatidu," dep tekitligen.

Aq tashliq kitapta eskertishiche, nöwettiki xitay dölet mudapi'e siyasitining asasi nuqtisi yenila "döletning birliki we tereqqiyat menpe'etige kapaletlik qilishqa qaritilghan."Aq tashliq kitabta, 2005 - yili azat armiyisidin 200 ming eskerning qisqartilghanliqini, nöwettiki herbiy qisimlar sanining 2 milyon 300 minggha yétidighanliqini bildürdi. Aq tashliq kitabta, xitay qoralliq qisimlirini uchurlashturush, urush qilish iqtidarini yuqiri kötürüsh alahide tekitlen'gen.

Aq tashliq kitapta eskertishiche, 1990 - yildin 2005 - yilghiche xitayning yilliq herbiy xam choti her yili ottura hésab bilen 36.15 Pirsent köpiyip mangghan. 2006 -Yildiki herbiy xam chotini 280 milyard 380 milyon yüen, dep jakarlidi. Lékin amérikiliq közetküchiler xitayning emeliyettiki herbiy xam chotini buningdin 2-3 hesse köp, dep perez qilishmaqta. (Erkin)

Pikirler (0)
Share
Toluq bet