Xitay - hindistan chégra söhbiti " eng qiyin basquch" qa kirdi

2005-09-26
Élxet
Pikir
Share
Print

Xitay - hindistan chégra mesilisi boyiche chégra siziqini qaytidin ayrish söhbiti düshenbe küni béyjingda bashlandi. B b s ning xewer qilishiche, bu söhbetning "eng qiyin basquchi" hésablinidiken.

Söhbet bashlinishtin ilgiri xitay dölet re'isi xu jintaw bilen hindistan bash ministiri sing, b d t ning nyu - yorktiki yighini jeryanida uchriship, chégra mesilisini hel qilish qedimini tézlitishke qoshulghan.

Hindistan tashqi ishlar ministirliqidiki emeldarlarning ashkarilishiche, terepler chégra mesilisini "hazirqi mewjut siyasi ramka ichide muwapiq hel qilish charisi tépish pursiti bar," dep qaraydiken.

Ikki kün dawamlishidighan söhbetke hindistan tereptin dölet xewpsizlik meslihetchisi narayanan, xitay tereptin mu'awin tashqi ishlar ministiri dey binggolar riyasetchilik qildi.

Hindistan bilen xitay 3500 kilométrliq ortaq chégra liniyisige ige bolup, chégra mesilisi hindistan bilen xitay otturisida 1962 -yildiki toqunushni keltürüp chiqarghan. Hindistan xitayni 1962 -yildiki toqunush jeryanida 38 ming kwadrat kilométir ziminini igilliwélish bilen tenqid qilmaqta. Xitay bolsa hindistan 90 ming kwadirat kilométir ziminimizni igiliwaldi, dep eyiplimekte idi.

Bu yilning bashliri xitay bash ministiri wén jyabaw hindistanni ziyaret qilghanda, terepler chégra mesilisini siyasi yol bilen hel qilish toghrisida kélishim tüzgen. (Erkin)

Pikirler (0)
Share
Toluq bet