Хитай билән һиндистанниң чегра сөһбити нәтиҗисиз ахирлашти

2006-06-28
Елхәт
Пикир
Share
Принт

Хитай билән һиндистан даирилириниң узун йил давамлашқан чегра маҗирасини һәл қилиш мәқситидә ечилған 8‏- қетимлиқ сөһбити нәтиҗисиз ахирлашти.

Бусөһбәт һиндистан дөләт бихәтәрлики мәслиһәтчиси нараянан билән хитайниң муавин ташқи ишлар министири дәй бинго башчилиғида өткүзүлгән болуп, хитай даирилири сөһбәт җәрянида икки тәрәп вәкиллириниң чегра мәсилисини достанә вә очуқ-йоруқ кәйпиятта һәл қилиш қурулмиси тоғрисида өз-ара пикир алмаштурғанлиқини билдүрди.

Һиндистан вәкили нараян йәнә хитай ташқи ишлар министири ли җавшиң билән көрүшти. Һиндистан тәрәп улар оттурисидики йәнә бир нөвәтлик сөһбәтниң вақит җәдвилиниң техи бекитилмигәнликини, лекин бу сөһбәтниң йеңи деһлида ечилидиғанлиқини мәлум қилди.

Һиндистан билән хитай 1962‏- йили чегра маҗираси түпәйлидин уруш қилған болуп, шуниңдин буян улар оттурисидики бу маҗира һазирғичә һәл болмай кәлди. Һәр иккила тәрәп һималая районидики 125 миң кувадират километир даиридики земинни талишиду. (Пәридә)

Пикирләр (0)
Share
Толуқ бәт