Xitay bilen hindistanning chégra söhbiti netijisiz axirlashti

2006-06-28
Élxet
Pikir
Share
Print

Xitay bilen hindistan da'irilirining uzun yil dawamlashqan chégra majirasini hel qilish meqsitide échilghan 8‏- qétimliq söhbiti netijisiz axirlashti.

Busöhbet hindistan dölet bixeterliki meslihetchisi narayanan bilen xitayning mu'awin tashqi ishlar ministiri dey bin'go bashchilighida ötküzülgen bolup, xitay da'iriliri söhbet jeryanida ikki terep wekillirining chégra mesilisini dostane we ochuq-yoruq keypiyatta hel qilish qurulmisi toghrisida öz-ara pikir almashturghanliqini bildürdi.

Hindistan wekili narayan yene xitay tashqi ishlar ministiri li jawshing bilen körüshti. Hindistan terep ular otturisidiki yene bir nöwetlik söhbetning waqit jedwilining téxi békitilmigenlikini, lékin bu söhbetning yéngi déhlida échilidighanliqini melum qildi.

Hindistan bilen xitay 1962‏- yili chégra majirasi tüpeylidin urush qilghan bolup, shuningdin buyan ular otturisidiki bu majira hazirghiche hel bolmay keldi. Her ikkila terep himalaya rayonidiki 125 ming kuwadirat kilométir da'iridiki zéminni talishidu. (Peride)

Pikirler (0)
Share
Toluq bet