Dalay lama yaponiyige qaratqan bir heptilik ziyaritini bashliwetti

2007-11-15
Élxet
Pikir
Share
Print

Tibetning diniy dahisi dalay lama peyshenbe küni yaponiyige yétip bérip, yaponiyide élip baridighan bir heptilik ziyaritini bashliwetti. Dalay lama yaponiyide ochuq nutuq sözligendin sirt, yaponiyining gherbidiki qedimiy seyligahida ziyarette bolush shuningdek tokyoda ötküzülidighan diniy muhakime yighinida söz qilish pa'aliyetlirige qatnishidiken.

Yaponiye hökümiti xitayning qarshiliq körsitishining aldini élish üchün, dalay lamaning yaponiyide siyasiy pa'aliyetler élip barmasliqini shert qilghan. Dalay lamaning yéqindin buyan gérmaniye, kanada we amérikida élip barghan ziyaret we pa'aliyetliri xitay hökümitining qattiq naraziliqini qozghighan idi.

Dalay lamaning yaponiye ziyariti Uyghur milliy herikitining yétekchisi we Uyghurlarning meniwiy anisi rabiye qadir xanimning yaponiye ziyariti dawamlishiwatqan bir peytke toghra kelgen bolup, bu xitaydin özlirining kishilik hoquqi we erkinlikini telep qiliwatqan tibet we Uyghur milliti wekillirining ikkinchi qétim bir dölette tengla waqitta ziyaret élip bérishi hésablinidu. Dalay lama bilen rabiye qadir xanim bir qanche ay ilgiri gérmaniyining hamburg shehiride uchrashqan idi.

Xitay 1950 ‏- yilidin buyan tibetni öz hakimiyiti astigha élish bilen birge, dalay lamani tibetning müsteqilliqini terghip qilip kéliwatqan " bölgünchi" dep eyiblep kelmekte .

Bu arida xitay tashqi ishlar ministirliqining bayanatchisi lyu jenchaw peyshenbe küni, yaponiye hökümitining dalay lamaning yaponiye ziyaritige yol qoyghanliqidin qattiq epsuslan'ghanliqini bildürdi. (Eqide)

Pikirler (0)
Share
Toluq bet