Xitay bash ministiri wén jyabaw Uyghur aptonom rayon wekillirini qobul qildi

2006-03-09
Élxet
Pikir
Share
Print

Xitay bash ministiri wén jyabaw 10 ‏- nöwetlik xelq qurultiyining 4 ‏- omumiy yighinida, Uyghur aptonom rayonidin mezkür yighin'gha qatnishish üchün kelgen wekillerni qobul qilip, ulargha "shinjangdiki her millet xelqi, peqet ittipaqlashsila choqum téximu chong netijilerni qolgha keltüreleydu" dédi.

Xitay xewer torining 9 ‏- mart küni bergen xewirige qarighanda , wén jyabaw yene Uyghur wekillirining muhakimisige biwaste qatniship, xitay hökümiti Uyghur aptonom rayonigha rehber qilip békitip bergen ismayil tiliwaldi, abdirshit qatarliqlarning "11 ‏- besh yilliq pilani" ni emelge ashurush heqqidiki sözlirini anglighan.

Wén jya baw sözide yene, Uyghur aptonom rayonidiki paydilan'ghili bolidighan bayliq menbelirini ünümlük échish, ma'arip tereqqiyatini tézlitish heqqide alahide toxtalghan bolup, chet'ellerde pa'aliyet élip bériwatqan Uyghur teshkilatliri, xitay hökümitining del mushu xil siyasiti üstidin öz naraziliqini bildürüp kelmekte, ularning éytishiche, xitay hökümiti, Uyghur aptonom rayonining bayliqidin paydilinip , uningdin kelgen paydining 1 % nimu shu yerning igisi bolghan Uyghur xelqining éhtiyaji üchün serp qilmaydiken. Wén jya bawning ma'arip tereqqiyatini tézlitish pikirining mahiyiti bolsa , xitay hökümitining nöwette Uyghur tilini yoq qilip, ma'aripni xitaychilashturush arqiliq Uyghurlarni peqet ismi Uyghur , emelyette xitaygha aylandurush meqsidini ishqa ashurushtin ibaret iken.

Meshhur kishilik hoquq pa'aliyetchisi rabiye qadir xanim, ilgiri özining xelq wekili bolup, siyasiy kéngesh yighinigha qatnashqanliqini, Uyghurlarning heqiqiy weziyitini anglatqanliqi üchün xitay hökümitining düshminige aylinip qalghanliqini bildürdi. (Eqide)

Pikirler (0)
Share
Toluq bet