Xitay kömür kanlargha bolghan kontrolluqni kücheymekchi

2005-12-21
Élxet
Pikir
Share
Print

Xitayning döletlik tereqqiyat islahat komitéti charshenbe küni bir parche höjjet chüshürüp, kömör ishlepchiqirish ishlirigha bolghan kontrolluqni kücheytish telep qilin'ghan yéngi belgilimilerni chiqardi.

Tereqqiyat islahat komitéti chüshürgen höjjette, kömür ishlepchiqirish bilen shoghullunidighan ölke we karxanilarning kömür ishlepchiqirish pilanini yaxshilishi kérekliki hemde döletning munasiwetlik ölchem belgilimilirige yétishi lazimliqi körsitilgen.

Höjjette yene, her qaysi kömür kanlarning mezkur komitétining testiqidin ötüshi kérekliki körsitilgen. Lékin xitayda nurghun kan hadisiliri yenila shexsler öz aldigha échiwalghan qanunsiz kanlarda yüz bermekte.

Xitayda kan qézish xizmiti hazir dunyadiki eng xeterlik kesp hésablinidighan bolup, bu yil xitaydiki kan hadisiliride ölgenlerning sanila 3 mingdin éship ketti. Gerche xitayda kan hadisiliri her yili dégüdek köp yüz bérip, xelq'ara jem'iyetmu bu heqte xitayni eyibligen bolsimu, lékin hazirghiche héchqandaq yaxshilinish körülmidi.(Peride)

Pikirler (0)
Share
Toluq bet