Xitay kömür kan weqelirining aldini élish üchün yene tedbirlerni élan qildi

2005-12-26
Élxet
Pikir
Share
Print

Xitay metbu'atining xewer qilishiche, béyjing hökümiti xitaydiki kömürkanlarda yüz bériwatqan qanliq weqelirining aldini élish üchün bixeterlik tedbirliri jehettin ölchegme toghra kelmigen 2400 din artuq kömürkanni taqighan.

Franisye agéntliqining xewer qilishiche, xitay dölet kömürkanlarning bixeterlikini nazaret qilish idarisi, belgülen'gen waqit ichide bixeterlik tedbirlirini yaxshilimighan pütün kömürkanlarning taqiwitilgenlikini bildürgen.

Xewerde éytilishiche, kömürkanlarning bixeterlikini nazaret qilish idarisi kömürkan igiliridin birer weqe yüz berginide ishchilarning turmushigha kapaletlik qilish üchün aldin pul tapshurushini telep qilidiken. Bu pul kömürkanlarda yüz béridighan weqelerde ziyan'gha uchrighan a'ililerge bérilidiken.

Köpchilikke melum bolghandek, xitaydiki shexsilerning igidarchiliqidiki kömür kanlarda weqe yüz bergende kömür kan igilirining qéchip kétip, weqede qurban bolghan kan ishchilirining a'ililirining igisiz talada qalghanliqi xitayda nahayiti köp uchraydighan bir ehwal. (Qanat)

Pikirler (0)
Share
Toluq bet