Xénendiki kan weqeside 15 kishi qaza qildi

2006-02-12
Élxet
Pikir
Share
Print

Shenbe küni xénenning jéngju shehiridiki bir kömür kanda yüz bergen kan partlash weqeside 15 neper kan ishchisi qaza qilghan.

Weqe yüz bergende kan astida 56 neper ishchi meshghulat élip bériwatqan bolup, 41 i kan astidin qutulup chiqiwalghan bolsimu, lékin qalghan 15 i neq meydanda ölgen. Shundaqla qaza qilghanlarning hemmisining jesiti tépilghan.

Xitay dunya boyiche kan hadiside eng köp kishi ölidighan dölet bolup, nöwette xitayda yiligha kan weqeside qaza qilip kétidighan kishining sani 5000 din éship ketken. Xitay hökümitining 2006‏- yili élan qilghan bir melumatida körsitilishiche, xitay boyiche yéqinda yene, 5290 kömür kan, bixeter ishlepchiqirish belgilimilirige xilapliq qilghanliqi sewebidin ishlepchiqirishtin mejburiy toxtitilghan. (Peride)

Pikirler (0)
Share
Toluq bet