Хитай келәр йилиниң ахириғичә барлиқ кичик типтики көмүр канларни тақимақчи

2006-04-05
Елхәт
Пикир
Share
Принт

Хитайниң дөләтлик көмүр кан бихәтәрликини тәкшүрүш идариси чаршәнбә күни хитай һөкүмитиниң келәр йилиниң ахириғичә болған мәзгилдә барлиқ кичик типтики көмүр канларни тақайдиғанлиқини билдүрди.

Хитай күндилик гезитиниң хәвәр қилишичә, мәзкур идарә башлиқи җав тйечүй " кичик типтики көмүр канларни тәртипкә селиш наһайити муһим әһмийәткә игә. Чүнки бу йәрләрдә асан һадисә йүз бериду. Шуңа биз йиллиқ көмүр ишләпчиқириш миқдари 30 миң тоннидин аз болған көмүр канларниң һәммисини тақимақчи" деди.

Униң ейтишичә, 2005‏- йили хитайдики барлиқ көмүр канниң сани 25 миң болған. Буниң арисида 5000 көмүр кан өлчәмгә тошмиғанлиқи сәвәбидин етиветилгән. Лекин хитайдики көмүр канларниң арисида кичик типтики көмүр канлардин 18 миңи бар икән.

Пүтүн дунядики көмүр санаитидә хитай көмүрлүки әң хәтәрлик һесаблиниду. Өткән бир йилниң ичидила хитайда 3000 қетимдин ошуқ көмүр кан һадисиси йүз берип, 6000 дин ошуқ ишчи өлгән. Хитай һөкүмити шу сәвәбтин хәлқараниң еғир бесимиға учримақта. (Пәридә)

Пикирләр (0)
Share
Толуқ бәт