Xitay kéler yilining axirighiche barliq kichik tiptiki kömür kanlarni taqimaqchi

2006-04-05
Élxet
Pikir
Share
Print

Xitayning döletlik kömür kan bixeterlikini tekshürüsh idarisi charshenbe küni xitay hökümitining kéler yilining axirighiche bolghan mezgilde barliq kichik tiptiki kömür kanlarni taqaydighanliqini bildürdi.

Xitay kündilik gézitining xewer qilishiche, mezkur idare bashliqi jaw tyéchüy " kichik tiptiki kömür kanlarni tertipke sélish nahayiti muhim ehmiyetke ige. Chünki bu yerlerde asan hadise yüz béridu. Shunga biz yilliq kömür ishlepchiqirish miqdari 30 ming tonnidin az bolghan kömür kanlarning hemmisini taqimaqchi" dédi.

Uning éytishiche, 2005‏- yili xitaydiki barliq kömür kanning sani 25 ming bolghan. Buning arisida 5000 kömür kan ölchemge toshmighanliqi sewebidin étiwétilgen. Lékin xitaydiki kömür kanlarning arisida kichik tiptiki kömür kanlardin 18 mingi bar iken.

Pütün dunyadiki kömür sana'itide xitay kömürlüki eng xeterlik hésablinidu. Ötken bir yilning ichidila xitayda 3000 qétimdin oshuq kömür kan hadisisi yüz bérip, 6000 din oshuq ishchi ölgen. Xitay hökümiti shu sewebtin xelq'araning éghir bésimigha uchrimaqta. (Peride)

Pikirler (0)
Share
Toluq bet